‘t waors ein tradisie dat de Mestreechse bend C’est ça! eeder jaor mèt Vastelaovend op zoondèg en maondèg de instruminte ter hand naom en ein lekker stökske meziek maakde in de straote vaan Mestreech.
Swaffele waor ummers in 2008 door De Van Dale oetgerope tot woord vaan ‘t jaor.
In de korte veurbereiding kaome talloze prachtige deenger op taofel. Nog zjus op tied us pèkskes veerdig en ‘t maag gezag weure, veer stonte d’r sjoen op. Mèt Prins Pum I veurop woort ‘t eine propere vastelaovend.
Jaomergenòg zien de piksjers vaan us ierste jaor 2009 verlore gegaange. Gelökkig heet Ine d’r pas nog gèt gevoonde mèr mog geer nog foto’s vaan us höbbe, zowwe veer die geere vaan uuch ontvaange!
De ammezasie oonderein waors zoe euverweldigend tot de instruminte d’r op dee zoondèg neet mie aon te pas zien gekaome. Veer höbbe daan aoch beslote heij ein vervolg aon te geve.
De piksjers vaan 2010 stoon intösse op dees saajt. Ein verslaag euver de vastelaovend 2010 met uzze nuije aonhaank Garderizzjemint de Swaffelpiepers vollèg nog binnekort.
